شلون أطلب فني؟
حمّل التطبيق، اختار الخدمة، اكتب وصف المشكلة وحدّد موقعك. طلبك يوصل لأقرب الفنيين بنفس الاختصاص، وتختار منهم.
شلون يتحدد السعر؟
السعر اللي تشوفه بالعروض مبدئي. الفني يحدد السعر النهائي بالمحادثة حسب المشكلة، قبل ما يبدأ. توافق ينحجز الموعد، ترفض ما عليك شي.
شلون أدفع؟
كاش للفني بعد الشغل، أو من محفظة فزعة. بالمحفظة المبلغ ينحجز ويوصل للفني بعد ما تأكد الإنجاز.
شلون أشحن محفظتي؟
من شاشة المحفظة بالتطبيق، بكود شحن فزعة.
أكدر ألغي الطلب؟
إي، قبل ما يبدأ الشغل. إذا دفعت من المحفظة يرجعلك المبلغ كاملاً. بعد ما يبدأ الشغل ما يصير إلغاء، بس تكدر تفتح نزاع. التفاصيل بسياسة الدفع والاسترجاع.
إذا الشغل ما كمل أو ما عجبني؟
لما الفني يعلن الإنجاز، اضغط «لم يكتمل العمل» بدل التأكيد، واكتب السبب وأضف صورة. فريقنا يراجع الطلب.
الفني يشوف رقمي أو عنواني؟
رقمك ما يوصل للفني، والمحادثة تحجب الأرقام. عنوانك الدقيق يوصل بس للفني اللي اتفقت وياه. التفاصيل بسياسة الخصوصية.
شلون أتواصل ويا الدعم؟
من «الدعم والمساعدة» بالإعدادات داخل التطبيق، أو على واتساب الدعم.
شلون أسجّل كفني؟
حمّل التطبيق، اختار «فني»، اختار تخصصك، وارفع مستندات التوثيق: الهوية وجه وظهر، صورة شخصية، وإثبات المهنة.
شكد ياخذ التوثيق؟
فريقنا يراجع المستندات بأسرع وقت. إذا انرفضت توصلك الملاحظة وتكدر تعيد الرفع.
ليش ما توصلني طلبات؟
الطلبات الجديدة توصل بس لما يكون حسابك موثّق، ومفتاح «متاح لاستلام الطلبات» شغّال، ورصيد محفظتك يكفي. التطبيق يكلك بالضبط شنو الناقص.
شلون أصير عامل حر؟
اختار «عامل حر» بالتطبيق، اختار أنواع الشغل اللي تسويها، ووثّق هويتك (وجه وظهر وصورة شخصية).
شلون أستلم فلوسي؟
الكاش يوصلك من الزبون مباشرة. والطلبات المدفوعة من المحفظة تنضاف لمستحقاتك، وتسحبها من التطبيق.